តូក្យូ៖ នាយករដ្ឋមន្ត្រីកម្ពុជាសម្ដេចធិបតី ហ៊ុន ម៉ាណែត បានលើកឡើងថា ជនជាតិខ្មែរគឺជាប្រជាជនដែលមានអរិយធម៌និងកិច្ចខិតខំប្រឹងប្រែងខ្លាំង ដែលហេតុនេះហើយទើបទទួលបានការវាយតម្លៃល្អពីប្រជាជាតិដទៃនិងមានទំនាក់ទំនងល្អជាមួយនឹងប្រជាជននៃប្រទេសទាំងនោះផងដែរ។
សម្ដេចថ្លែងក្នុងពិធីជួបជាមួយពលរដ្ឋខ្មែររស់នៅប្រទេសជប៉ុន ថ្ងៃទី១៦ ខែធ្នូ ឆ្នាំ២០២៣នេះ ជាមួយនឹងការបង្ហាញនូវក្ដីសប្បាយរីករាយដែលប្រទេសជប៉ុនបានបន្ថែមនូវគោលការណ៍សម្រាប់ពលករខ្មែរនៅក្នុងឆ្នាំ២០២៤ ចំនួន ៨ពាន់នាក់បន្ថែមទៀត។
សម្ដេចថាទាំងនេះគឺជាលទ្ធផលដែលពលករខ្មែរទៅធ្វើការនៅប្រទេសជប៉ុនកន្លងមក បានបង្ហាញទៅដល់ជប៉ុនដែលធ្វើឲ្យវិនិយោគិនជប៉ុនមានការពេញចិត្តក្នុងការទទួលយកពលករខ្មែរបន្ថែមទៀតទៅកាន់ប្រទេសនេះ៕
